Uncategorized LATEST NEWS ചരക്ക് ഗതാഗതം: റെക്കോര്ഡ് നേട്ടവുമായി റെയില്വേ Byadmin@brightbusinesskerala PublishedApril 4, 2026 ന്യൂഡൽഹി: 2026 മാര്ച്ചില് അവസാനിച്ച സാമ്പത്തിക വര്ഷത്തില് 1670 ദശലക്ഷം ടണ് ചരക്ക് കൈകാര്യം ചെയ്ത് റെക്കോര്ഡ് നേട്ടവുമായി ഇന്ത്യന് റെയില്വേ. മുന് വര്ഷത്തെ അപേക്ഷിച്ച് ലോഡിംഗില് 3.25 ശതമാനം വര്ധനയാണ് രേഖപ്പെടുത്തിയിട്ടുള്ളത്. വളങ്ങള്, ഇരുമ്പ്, ഫിനിഷ്ഡ് സ്റ്റീല് എന്നിവയുടെ നീക്കത്തിലുണ്ടായ 13 ശതമാനം വര്ധനയാണ് ഈ റിക്കാര്ഡ് നേട്ടത്തിന് കരുത്തായത്. ഫെബ്രുവരി വരെയുള്ള കണക്കുകള് പ്രകാരം ചരക്ക് വരുമാനം 1.61 ലക്ഷം കോടി രൂപയായി ഉയര്ന്നു. കഴിഞ്ഞ വര്ഷം ഇതേ കാലയളവില് 1.59 ലക്ഷം കോടി രൂപയായിരുന്നു വരുമാനം. 2026-27 സാമ്പത്തിക വര്ഷത്തില് 1765 ദശലക്ഷം ടണ് ലോഡിംഗാണ് റെയില്വേ ലക്ഷ്യമിടുന്നത്. വരും വര്ഷത്തില് ചരക്ക് വരുമാനം 5.8 ശതമാനം വര്ധിച്ച് 1.89 ലക്ഷം കോടി രൂപയിലെത്തുമെന്നാണ് അധികൃതരുടെ പ്രതീക്ഷ.
Uncategorized LATEST NEWS April 4, 2026 ചരക്ക് ഗതാഗതം: റെക്കോര്ഡ് നേട്ടവുമായി റെയില്വേ